Når 2015 begynner, startar Bremanger kommune med 21 millionar i disposisjonsfond i staden for 145 millionar i akkumulert underskot.
Få hadde kanskje trudd 2014 skulle ende slik for Bremanger kommune, men innkasseringa av kompensasjon for bortfall av framtidige heimfallsinntekter ved salet av kraftverka Svelgen I og II, gav kraftkommunen heile 173 millionar ekstra inntekter i inneverande år.
Det dekker resten av det akkumulerte underskotet etter Terra-saka (145,5 mill.), og basert på at drifta elles ser ut til å gå i balanse, vil Bremanger sitje igjen med 21 millionar kroner i disposisjonsfondet i 2015.
– Inntekta vil bli ført direkte mot drift og bidra til inndekking av akkumulert underskot og årets negative utvikling på derivatavtalane i Danske Bank, skriv rådmann Tom Joensen i økonomirapport 2/2014.
For sjølv om kommunen no er kvitt det store Terra-underskotet er det framleis risikofylte aksjeavtaler, inngått under Terra-perioden, som løper, og som bidreg til å gjere kommuneøkonomien uoversiktleg.
Så langt i 2014 har verdien på derivatavtalene utvikla seg ytterlegare negativt med cirka 25 millionar.
Dette må Bremanger bokføre som tap.
Les heile saka i onsdagens papirutgåve av Fjordenes Tidende.