– Det ser ikkje ut til at politikarane ser alvoret i at det blir fleire eldre og legg godt nok til rette for dette, seier Nils Holvik, leiar i eldrerådet i Vågsøy.
Det er med stor uro Nils Holvik ser på vågsøypolitikarane sine prioriteringar.
Ved budsjettbehandlinga i fjor åtvara Eldrerådet sterkt mot nedbemanninga av pleie,- rehabiliterings- og omsorgssektoren.
No ber han politikarane ta eldrebølgja på alvor.
– Det blir stadig fleire eldre i kommunen. Det er totalt uforsvarleg å redusere ressursane til denne sektoren. Tvert imot er det skrikande behov for å styrke sektoren, seier Holvik.
Eldrerådet i Vågsøy har derfor sendt ein uttale i samband med Økonomimelding 2 (drifta for kommunen så langt i år), budsjett for neste år og langtidsbudsjettet.
Der peikar eldrerådet på fleire utfordringar:
– Kapasiteten på Kulatoppen omsorgssenter er sprengt. Det er venteliste og overbelegg. Presset på korttidsplassar er stort. Utfordringane er å kunne ta imot pasientar som er klare for utskriving frå sjukehusa.
Les heile saka i mandagens papirutgåve av Fjordenes Tidende.