Ved Nordfjord Hjerteklinikk aukar pågangen av pasientar, og Marianne og Henrik Berg utvidar tilbodet. I haust er det innkjøpt hjarteultralydsapparat.
– Vi ser at etterspurnaden aukar betydeleg, sannsynlegvis fordi det er blitt vanskelegare å kome til andre stader, seier spesialist i hjartemedisin og indremedisin Henrik Berg ved Nordfjord Hjerteklinikk på Nordfjordeid.
Det aukande talet kundar ved hjarteklinikken trur Berg ligg i at dei har kort ventetid, og at folk kan bestille time sjølve utan å gå om tilvising frå fastlege.
– Folk likar det vi tilbyr. Vi set av nok tid til kvar pasient, også til å ta EKG-testar, og kan gjere oss ferdige i fred og ro utan mas frå callingar, slik som på sjukehus. Det trur eg mange pasientar opplever som veldig bra, seier Berg.
Ventetida for å kome til ved klinikken er på det lengste fem veker, som er den tida Henrik Berg arbeider vekke, ved sentralsjukehuset på Åland.
– Det verkar som at ventetida er lang i det offentlege, og at det kan vere tøft å vente, seier Berg.
Når det gjeld pris for legekonsultasjon med belastings-EKG har klinikken halde den same prisen som for 11 år sidan.
– Sjølv om folk må betale litt meir her enn i det offentlege, trur eg at dei meiner at det er verdt det.
Les heile saka i onsdagens utgåve av Fjordenes Tidende.