Slik såg det ut frå Måløy sett mot fastlandet og Hornelen onsdag morgon. Den raude sola som var på veg opp lagde eit vakkert skjær på dei lette skyene. Eit mektig syn.
Og endå ser det ut til at snøen og vinteren let vente på seg. Sjølv om gradestokken nærmar seg null, så er er det ikkje minusgrader på yr sitt langtidsvarsel.
Slik er yr.no sine prognosar til og med 1.-adventshelga:
Onsdag: Hordaland og Sogn og Fjordane: Søraust frisk bris utsette stadar, i kveld liten kuling. Opphaldsvêr.
Torsdag: Hordaland og Sogn og Fjordane: Søraust liten og til dels stiv kuling utsette stader. Opphaldsvêr.
Fredag: Hordaland og Sogn og Fjordane: Søraustlig bris. Til dels pent vêr. Utover dagen litt lågare temperaturar.
Laurdag og søndag: Vestlandet sør for Stad: Laurdag austleg bris. På kysten søraustleg kuling lengst i sør. Til dels pent vêr. Litt lågare temperatur. Søndag søraustleg kuling utsette stader. Regn, først på dagen snø i høgare strok. Stigande temperatur utover dagen.