Motorsportgruppa i IL Frøy i Kalvåg ser lyst på 105.000 kroner frå Gjensidigestiftelsen. – Det betyr at vi kan begynne arbeidet med nye baner, seier leiar Harry Gulestøl.
Motorsportgruppa fekk full pott av Gjensidige på sin søknad. Pengane skal gå til utviding av den populære Enduro crossbana på Lisethøgda i Kalvåg, samt opparbeiding av ei eiga ungdomsbane på sikt.
– Prosjekta skal gjennomførast i to fasar, den første er ei utviding med ei ny bane i tilknyting til eksisterande anlegg. Det som er fantastisk med å ha fått desse pengane no, er at vi ikkje berre får gjennomført fase ein, men vi får også begynt på fase to, ungdomsbana, seier leiar Harry Gulestøl.
Den nye Enduro crossbana på 300 meter skal byggjast inn i terrenget. Bana skal vere for barn frå fem år og oppover, men fungerer også for ungdom og vaksne. Arbeidet med ny bane har ei kostnadsramme på 233.000 kroner.
I tillegg til pengane frå Gjensidigestiftelsen vert dette finansiert gjennom gåver frå lokale sponsorar, eigne midlar og sjølvsagt dugnadsinnsats.
Les heile saka i papirutgåva tiil Fjordenes Tidende.