22 nye trainestillingar gjennom Framtidsfylket frå 2015 er både rekord i mengder verksemder og stillingar.
– Auka i tal traineestillingar i år er kraftig og eg trur det kjem av at stadig fleire verksemder ser verdien i deltaking i eit slikt fellesprogram. Både for si eiga bedrift, men og for fylket som heilskap, seier Gro Rukan, dagleg leiar i Framtidsfylket.
Ho trur at traineeprogrammet har vore viktig for Sogn og Fjordane og i år er det fem nye verksemder som skal ha trainee.
Kvalitetslosen, Fjord1, Stryn Energi, Marine Harvest og Nor Tekstil er med i ordninga for første gong.
– Vi er veldig glade for at vi årleg får nye bedrifter med på laget. Det gjev eit godt bilete av det mangfaldet vi har av spennande verksemder her i fylket, seier ho.
I 2014 fekk Framtidsfylket inn 370 søknader på traineestillingar, som er ei stor auke frå året før.