No på nyåret vert det oppretta 14 nye barnehageplassar i Eid, og Eid kommune har dermed full barnehagedekning.

Det vert ti nye plassar i Golvsengane barnehage og fire nye plassar i Gjerdane barnehage, etter at kommunestyret i desember løyvde midlar for å auke barnehagekapasiteten i Eid i 2015.

Dermed kan Eid kommune tilby alle småbarnsfamiliar som ønskjer barnehageplass per januar 2015 - plass seinast frå 1. mars.

– God tilgang på barnehageplassar er viktig for å vere ei attraktiv kommune å flytte til og busetje seg i. At Eid kan tilby barnehageplass til alle som ønskjer det går utanom den statleg sette fristen for full barnehagedekning per 1. august. Dette er til god hjelp for småbarnsfamiliar og verksemder i Eid, skriv kommunalsjef Harald Sivertsen og ordførar Alfred Bjørlo på Eid kommune sine nettsider.