Tal frå NAV Sogn og Fjordane viser at Vågsøy og Bremanger har den høgaste arbeidsløyse i fylket.
Halvparten av kommunane i Sogn og Fjordane opplever har auke i arbeidsløysa i februar. Størst auke har Flora og Sogndal med høvesvis 26 og 16 fleire ledige enn på same tid i fjor.
I Flora har det meste av auken kome innan fiskeindustri, mens det i Sogndal er handel og kontor som har størst auke.
Årdal, med 22 færre ledige, har størst nedgang i arbeidsløysa.Fjaler, med 0,7 prosent, har den lågaste arbeidsløysa i fylket. Også Solund og Gaular har under éin prosent arbeidsløyse.
På den andre sida av skalaen finn vi Vågsøy med 4,2 prosent og Bremanger med 3,4 prosent. I Sogn og Fjordane er 1199 personar heilt utan arbeid. Dette svarar til 2,1 prosent av arbeidstyrken og er 12 fleire enn i februar i fjor. Vi har framleis den lågaste arbeidsløysa i landet.
– Utviklinga stemmer godt med prognosen vår, men vi ser ein langsiktig trend med ei viss auke i arbeidsløysa utover i 2015. Dette gjeld også på landsnivå, seier Thornes.
På landsnivå er det 81 534 heilt ledige i februar, tilsvarande 3,0 prosent av arbeidsstyrken. Dette er ein auke på fem prosent frå februar i fjor.