Westtip Supplies UB frå Eid vgs sanka inn heile fem førsteplassar på NM i Ungdomsbedrifter, og dei er andre beste ungdomsbedrift i landet.
- Vi er strålande glade for alle prisane, men skulle gjerne ha sikra oss prisen som beste ungdomsbedrift i landet. Andreplass er også bra, men vi og mange andre var ganske overraska over at vi ikkje blei best i landet, seier dagleg leiar Sindre Kolseth.
Men han innrømmer at dei ikkje har nokon grunn til å henge med hovudet når dei torsdag reiser heim igjen frå eit NM der gutane frå Eid vgs har satt spor.
- Det er store prisar vi har sikra oss. Å ta heim seks prisar i bagasjerommet er stort, og silkassa vår har blitt lagt merke til, fastslår han.
I dag starter konkurransen
Westtip Supplies UB er beste yrkesfaglege bedrift. Under NM for ungdomsbedrifter vann dei også Shells innovasjonspris, Ferdsprisen for størst verdiskapingspotensial, førstepris for beste utstilling,og fekk andreplass i kategorien beste ungdomsbedrift.
I tillegg vart Sindre Kolseth kåra til å vere beste seljar.