Fylkesmannen i Sogn og Fjordane førebur kommunane på prosedyrar i forhold til meldingsplikt om avlingssvikt.
- Sist vinter ser ut til å ha vore gunstigare enn spesielt vinteren 2013, og det er å håpe at jordbruksvekstane har ein god vekstsesong i vente, skriv Fylkesmannen til kommunane. Dersom det likevel skulle oppstå skade på jordbruksvekstar som følgje av klima, minner Fylkesmannen om at melding om muleg avlingssvikt gjeld for både frukt, bær, honningproduksjon og for vinterskade på engareal.
Når kommunane får inn melding om avlingssvikt ønskjer Fylkesmannen raskt å få greie på dette i form av tal skademeldingar og omfang.
Kommunane skal også ut på kontroll når dei mottar meldingar.