Planen var at Ragnar Thorseth skulle ro ut i frå Utvær i Sogn med retning Shetland 1. juli. På grunn av stiv kuling har han no blitt tvungen til å leggje om på planane.
Saman med fotograf Trygve Berge i fylgjebåten «Hilding» er Ragnar Thorseth no stasjonert på Litle Kvernøy, 12 nautiske mil frå Utvær. Her reknar han med å vere fram til i morgon fredag.
Ratho (66) vil ro over Nordsjøen igjen
Frå fredag er det meldt at vinden skal roe seg, og roforhalda vil vere betre.
Då vil Thorseth prøve å starte på den 170 nautiske mil lange roturen over Nordsjøen til Shetland og Out Skerries.
Vil ro dobbelt så langt denne gongen
Tidlegare har Thorseth sagt til Fjordenes Tidende at han brukar å rette seg etter fastsette tidspunkt, men at han vert forseinka om det bles for hardt.
- Eg brukar å halde det eg lovar, men vinden kan eg ikkje kontrollere. Det viktigaste for meg er at eg kjem fram, så får eg heller ta tida til hjelp.