Formannskapet i Eid var nyleg på besøk i IT-bedrifta Local Host sine nye lokale i "Postbygget" på Nordfjordeid.
- Vi er glade for at LocalHost satsar i Eid, og at bedrifta viser veg i bruk av ny teknologi og etablering av høgteknologiske, attraktive arbeidsplassar også i distrikts-Noreg, seier ordførar Alfred Bjørlo (V) i ei pressemelding.
- Etableringa i nye, større lokale på Nordfjordeid syner kor viktig det er både med lokalt gründerskap og samarbeid på tvers av grenser. Både "Eida-grundarane" bak tidlegare AdCom Nordfjord/VestData og gründer-miljøet i Måløy med Sindre Kvalheim i spissen fortener honnør og takk for den satsinga vi ser her i dag, sa ordførar Alfred Bjørlo under besøket og overrekte selskapet blomar og ei bok-gåve frå Eid kommune.
– Datatrøbbelet hadde vært løst neste dag
IT-bedrifta LocalHost i Måløy slo seg for nokre år sidan saman med Adcom Nordfjord/VestData på Nordfjordeid til LocalHost AS med hovudkontor i Måløy og avdelingskontor på Nordfjordeid. Gründerane bak Adcom Nordfjord/VestData, Paul Jarle Kristiansen og Atle Dalsbø, er no sentrale personar på LocalHost sitt Nordfjordeid-kontor. Også selskapet Lefdal Mine Datacenter er lokalisert på det nye kontoret i Postbygget på Nordfjordeid.
Kjøper seg inn i lokalt selskap
LocalHost la nyleg fram eit rekordresultat for 2014 med omsetnad på nær 20 millioner kroner og ei botnlinje på 3,2 mill NOK.
På biletet - frå venstre mot høgre: Kristine Dahl (Plan- og utviklingssjef), Lars Svein Drabløs (Frp), Sigurd Reksnes (Sp), Tore Hjelle (H), Alfred Bjørlo (Ordførar), Magnar Aase (Ap), Atle Dalsbø(LocalHost AS), Mats Andersson (Lefdal Mine Datacenter), Eli Førde Aarskog (H), Siri Sandvik (Ap), Åslaug Krogsæter (Rådmann), Brit Moa (V) og Grethe Dahl Sandven (V).