Kolonnetidene for Skatestraumtunnelen i Bremanger kommune er no klare.

Kolonnekøyringa startar opp måndag 7. september. Same dag vert ferjesambandet Kjelkenes-Smørhamn fjerna.

– Dei ti avgangene i døgnet skal gjere kvatrdagen lettare for innbyggjarane i Bremanger etter tunnelbrannen, heiter det i ei pressemelding frå Statens vegvesen.

Vegvesenet har utarbeida kolonnetidene i samarbeid med Sogn og Fjordane fylkeskommune og Bremanger kommune.

– Vi har prøvd å tilpasse oss lokale behov, spesielt dei som har dette som pendlarveg. Med ti kolonnar om dagen så trur vi at vi har kome dei fleste behov i møte, seier seksjonssjef Margot Åsebø.