Fire trafikkselskap har levert inn tilbod på drift av ekspressbåtrute mellom Bergen og Sogn og Fjordane.
Onsdag 1. september opna konkurransen om drifta av hurtigbåtrutene frå Bergen til Nordfjord og Sogn i perioden 2012 til 2020
Dei som har levert inn anbod er Torghatten Nord AS, Fjord1 Fylkesbaatane, Tide Sjø og Veolia Transport Nord AS.
- No startar arbeidet med å gå gjennom anboda og kontrollere at dei er i samsvar med kravspesifikasjonane. Det reknar vi med å bruke hausten på, seier fylkesdirektør for samferdsle i Sogn og Fjordane, Velaug Veum i ei pressemelding.
