Ordførar Alfred Bjørlo i Eid er mektig irritert over at vegvesenet med ei omskilting har fjerna Volda-Eid over Stigedalen frå kartet.
No viser det seg at Statens vegvesen har fjerna den gamle E39-skiltinga ved ferjekaia i Volda. I same slengen har dei sett kryss over eit kvitt «651»-skilt. Vegen Volda- Folkestad og vidare til Nordfjord er dermed radert bort med eit digert kryss. Dermed er det ikkje lett å vere turist og forstå kva veg ein skal køyre.
Saman med ordførarkollega Arild Iversen i Volda har Bjørlo skrive brev til Statens vegvesen i Region Vest og Region Midt. Kravet deira er at det straks vert retta opp i skiltinga i tråd med Samferdsledepartementet sine signal.
Onsdag sendte ein frustrert Bjørlo nytt brev til vegvesenet
– Dei ser ikkje problemet, noko eg reagerer sterkt på. Samferdsleministeren har klart sagt at strekninga Volda-Eid over Stigedalen skal vere alternativ E39. Då er det ganske ille at skiltinga vert tatt vekk. Dette er ein veg som er 42 kilometer kortare enn om ein må køyre via Kvivsvegen, presiserer han.
Tysdag hadde ordførarane møte med samferdsleminister Ketil Solvik-Olsen om 20-minuttsavgangar på Anda-Lote. Omskiltinga i Volda vart også tatt opp.
– Statsråden karakteriserte omskiltinga som ei «misforståing», som skulle rettast opp snarast råd, seier Bjørlo.
Les heile saka i vår papirutgåve fredag 11. juli.