For å hindre marin forsøpling og for å sikre at avfall vert levert til mottaksordningar på land, skal no alle hamner levere inn avfallsplan. Kystkommunar skal levere inn felles avfallsplan for sine småbåthamner. Planane skal godkjennast av Fylkesmannen.
Havet og kysten blir tilført store mengder menneskeskapt avfall. Gjenstander av plast, gummi og andre lite nedbrytbare stoff kan bli verande i miljøet i hundrevis av år. Dei kan føre til skade på dyr og menneske og forsøpling av sjø og kystlinje.
Avfallsplanane skal sikre at hamnene har tilpassa mottaksordningar for avfall frå båtar. Saman med hamneavgifta som er uavhengig av avfallsleveransen, skal slike tiltak gjere det mindre attraktivt å dumpe avfall, kloakk og lasterestar, og såleis sikre at båtar leverer avfall til slike mottaksordningar på land.