Namn: Linn-Judith Beitveit
Alder: 21 år
Bustad: Oslo, men kjem frå Deknepollen
Sivilstand: sambuar
Yrke: student
– Kva skal du i sommar?
– Eg skal jobbe på Kulatoppen omsorgssenter og hos Natas Thaimat heile sommaren.
– Kva er ditt favorittreisemål?
– Nord-aust i Thailand, Khon Kaen, der familien til mor mi bur.
– Korleis skal du kople av i sommar?
– Frivillig tvangstrening med systera mi, Natalie. Og lese Game of Thrones-bøkene.
– Kven ville du teke med deg på sydentur?
– Mamma Nata, sånn at vi kan kople av frå kvardagsstresset og berre nyte livet.
– Kven vil du spandere ei korg jordbær på i sommar?
– Ingrid Bugjerde, læraren min frå barneskulen. Ei fantastisk flott og sterk dame.
– Kva er ditt beste sommarminne?
– Då eg og sambuaren køyrde Irland rundt i fjor sommar, og sov i telt. Naturen og historia til landet er magisk, samt at folka er fantastiske.
– Korleis vil du beskrive ein perfekt sommardag?
– Grilling i ein park med gode vener, iskald pils, sol på himmelen og med typiske parkaktivitetar som slakkline og kubb.
– Kven beundrar du?
– Familien min. Nata, Roger, Ribekka og Natalie. Dei stiller alltid opp når det trengst, og er aldri lengre vekk enn ei telefonsamtale.
– Kva står på di framside av Fjordenes Tidende?
– Det kjem bru over Vanylvsfjorden, frå Tuevikane til Otnes.
– Kva les du i lokalavisa?
– Les alt som står på nettavisa for å få med meg kva som skjer heime, no som eg bur i Oslo.
– Kva er din favoritt-fjelltur?
– Turen frå Indre Fure til Ytre Fure. Den er flott.
– Kva er din største draum?
– Å få ein god jobb innan design etter studiet.