Hjelle Brass var den store nyheita på den tradisjonelle vårkonserten. Korpset starta i haust og er danna av tidlegare musikantar frå Hjelle skulemusikk. Til saman er dei rundt 16–17 personar i det nystarta korpset.
Søndag fekk dei vist seg fram på stor scene for første gang saman med Hjelle skulemusikk.
Mens trenden andre stader er at færre og færre speler i korps, ser det ut til at korpsinteressa stadig er høg i Eid kommune. Magni Hjertenes Flyum, leiar for arrangørkorpset under årets vårkonsert, Nordfjordeid skulekorps, understrekar følgjande:
– Eid har til og med korps som er eldre enn 100-årsjubilanten Kjøsnesmusikken!
Det var dei lokale Eid-korpsa Kjølsdalen Musikklag, Eid Musikklag, Hjelle skulemusikk med Hjelle Brass, Nordfjordeid skulekorps, Stårheim skulekorps og Kjølsdalen skulemusikk som stilte på scena søndag der også Eid si lange korpshistorie ble sett fokus på.