Etter mykje rot i Bremanger-forsvaret i byrjinga av kampen, stod det heile 3-0 til vertane før halvtimen var gått, og med tanke på tal sjansar kunne det fort ha vorte enda fleire mål til Sunnfjord-laget.
Men i staden var det Bremanger som fekk si første redusering rett før laga gjekk til pause, og 3-1 målet gav fornya håp for raudtrøyene.
I andre omgang kom både den andre og den tredje reduseringa og stillinga enda til slutt 3-3 i Hafstadparken, søndag.
Inntok jumboplassen på tabellen
Åheim/Stadt var også i aksjon denne helga.
Men 6. divisjonsoppgjeret mot Moltustranda blei inga god oppleving, og Åheim/Stadt måtte til slutt sjå seg slått 4-1, søndag.
Med nok eit tap i bagasjen ligg samarbeidslaget no på sisteplass på tabellen.