Denne helga har 4H-arar frå fylket vore med på fjellturar og deltatt på aktivitetar som matlaging, vikingliv, skyting, leikarring og dans, kajakk, klatring, golf, besøk på hjortefarm, paintball, hest og spikking.
Det har også vore ulike tevlingar i år, som tidlegare år. Både tautrekking og volleyball har stått på programmet.
– Vi har jobba lenge for å lage ein fantastisk leir
Fylkesleiren er for 4H-arar frå 12 år, men under leiren fekk også aspirantar på 10 og 11 år vere med på aspirantleir frå laurdag til søndag. Fredag kveld var det open leir for alle som var nysgjerrige og hadde lyst til å komme på besøk.
Det blir meir om fylkesleiren i Kjølsdalen i Fjordenes Tidende tysdag.