Måløy FK tek sats inn i 2023!

Inn mot jula har vi i Måløy FK jobba hardt for å komme i angrepsposisjon inn mot eit nytt fotballår.

Vår nye sportsplan som vi vedtok i sommar byrjar no verkeleg å setje seg, og vi ser at vi går i rett retning i forhold til å gå frå å vere ein lagsstyrt klubb til at «klubben no er sjefen». Alle val vi no tek og jobbar etter skjer ikkje etter enkeltinitiativ på lagsnivå, men etter ein klar plan og strategi frå klubben si side. Slik må det vere om vi skal lykkast!

Vår visjon er å skape ei positiv utvikling for medlemmane våre i Måløy FK, men også i barnefotballklubbane Skavøypoll IL og Tornado FK.

I barnefotballen jobbar vi kontinuerleg med rekruttering og ein plan om at det ikkje er tilfelle som skal bestemme kva tilbod ungane får. Med klubben som sjefen, så er det vårt ansvar å prøve å skape like moglegheiter for alle. Vi har nettopp utdanna 12 nye trenarar i barnefotballen

med NFF sitt barnefotballkurs, noko som løftar kompetansenivået til trenarane og som igjen skal skape endå kjekkare og meir utviklande treningar for ungane. Trenarutdanning og kursing av trenarar i barne og ungdomsfotballen er eit viktig satsingsområde for klubben, til det beste for alle aktive.

2023 ser særs spennande ut for ungdomsfotballen i Måløy FK. Vi har no ganske store og gode treningsgrupper i alle aldrar både for jenter og gutar. Dette gjere at vi kan skape gode og differensierte moglegheiter for alle spelarane i dei ulike laga!

Vi ynskjer at det skal vere plass for alle på ein best moglege måte, då er det vårt ansvar som trenarar og leiarar å sørge for at vi klarar å legge til rette for dette. Å skape gode og kjekke miljø der ungdommen blir sett og gjennom det igjen ynskjer å komme på trening og vere ein del av eit slikt miljø må alltid ligge til grunn. Klarar vi å få flest mogleg oftast mogleg på trening, då har vi det beste utgangspunktet for å utvikle oss sportsleg.

Måløy FK er stolte over å ha fått med heile 8 spelarar på Sogn og Fjordane sine kretslag for 2023, det viser også at det gror godt i klubben!

I seniorfotballen har vi evaluert, reflektert og gjort tydelege kursendringar! I samarbeid med spelargruppene har vi endra litt både på treningsopplegg, prioriteringar og ikkje minst korleis vi skal drifte A-laga våre på herre og damesida.

Hovudmålet for 2023 er å endre og bygge ein ny kultur! Vi skal no ha tydelegare forventningsavklaringar til kvarandre, vi skal ha fokus på å bygge ein sterkare garderobekultur og dei spelarane som no ynskjer å vere ein del av Måløy FK sine A-lag skal trene og bidra aktivt til det beste for laget og klubben i kvardagen. Vi har no unge og treningsvillige grupper både på dame og herrelaget, og gjennom å satse på desse spelarane saman med nokre litt eldre

referansespelarar, så trur vi at vi saman kan utvikle noko bra. Tida for kortsiktige løysingar, den er definitivt forbi!

Det ser også veldig positivt ut for å få tilbake eit Måløy 2 på herresida i 2023, noko som vil gjere at vi også har eit kjekt kamptilbod for dei som ikkje er klare for spel på A-laget eller dei som kanskje ikkje vil satse på det nivået et A-lag krev. Dette er særs gledeleg!

Vi har starta på noko spennande og Måløy FK går inn i eit nytt år med ein klar plan.

Til slutt vil eg berre oppfordre alle til å støtte opp om Måløy FK og ta turen på kampar på våre fantastisk flotte stadion.

Vi gler oss til fotballåret 2023!