Dette er ei veldig krevjande tid for mange kommuner med aukande prisar og utfordringar på fleire kantar. Ein må gjere kraftige omprioriteringer og kutte i drifta. Dette ser vi både i Kinn og minst like tydeleg i nabokommunene våre. Vi har likevel fått nokre lysglimt inn mot Kinn-budsjettet for neste åra framover som vi ønsker å løfte fram fordi dette gir oss eit noko auka rom i eit krevande budsjett:

Budsjett-oppsider:

- Havbruksfondet: I staden for ein reduksjon i utbetalinga får Kinn kommune i år 16 mill kr meir enn budsjettert (totalt 53 mill kr).

- Skatteinngang: Næringslivet i Kinn kommune går svært godt og ein ser ut til å få fleire millionar meir enn budsjettert i skatteinntekter (dette er viktig for å kunne balasere drifta og bygge opp bufferfondet).

- Kinn kommune får grunna ein samla folketallsvekst gjennom året ei auke i inntekter neste år. Ein har grunn til å tru at dette også vil skje neste år med høg innvandring.

- Husbanken: I utbygginga av Florø omsorgssenter fikk Kinn kommune no veldig gode nyheter om at ordninga, som vil gi nesten 200 mill kr i støtte til eldreboligane, er tilbake i statsbudsjettet. Dette er svært viktig for Kinn-budsjetta framover.

- Kurs KF har stor aktivitet og har nettopp vedteke å gi Kinn kommune 6 mill i overskot i år og 10 mill kr til neste år.

- Det er vidare foreslått endringar i inntektssystemet som vil kunne gjere at regelen om barnehagetilskot basert på utdanningsnivå per kommune blir fjerna. Dette har politikarar og administrasjon i Kinn jobba for lenge. Dersom dette går gjennom betyr det meir riktig tilskudd for Kinn kommune i åra vidare framover og vil kunne utgjøre fleire millionar driftsbudsjetta framover.

- Stad skipstunnel: Etter frykt fra SV sitt alternative budsjettutkast om å utsette tunnelen er den no inne i statsbudsjettet for neste år. Dette gir ikkje ekstra pengar i kommunekassa, men betyr at planlegginga kan fortsette for fullt rundt bruk av steinmasser osv som vil skape auka aktivitet. (Stort trykk fra ordføreren, Kinn Ap, stortingsrepresentantane i Sogn og fjordane og Randi Humborstad i Måløy Vekst var avgjerande viktig for å sikre dette i denne omgang, i etterfølginga av Frp som tidligare klarte å pushe prosjektet inn i nasjonal transportplan då dei satt med makta i lag med V, H, og KrF).

Desse gladsakene betyr på ingen måte at budsjetta for dei neste åra ikkje blir utfordrande og at ein ikkje må kutte i drifta, for drifta er som hos mange andre kommunar framleis veldig utfordrande og sakene over påvirker i større og mindre grad, men det gir oss nokre moglegheiter.

Vi i Oppsida er, og har heile vegen vore, heilt klare på at ein må prioritere ei raskast mulig realisering av Skram skole i Måløy, og meiner at det er viktig å få til satsinga med nye eldrebustadar i Florø. Vi har pressa på alt vi kan rundt Skram skole fra dag 1 og har vore i kontakt med fleire politikarar rundt dette temaet både i sommar og i haust.

Vi har no stor tru på at dette kjem inn i budsjettet med det breie politiske engasjementet vi ser i saka. Engasjementet til FAU på Skram rundt dette har vore svært viktig og vi stiller oss heilhjerta bak aksjonen og deira krav om rask realisering av ein ny barneskule i Måløy!

I Florø har ein eit sterkt aukande behov for eldrebustadar og har no endeleg etter mange år håp om at ein no får brukt denne tomta til ny aktivitet. Med dei gode nyheitene i statsbudsjettet om støtta fra Husbanken, så har vi også stor tru på at ein kjem til å få eit breitt fleirtal i budsjettet for dette viktige prosjektet.

I åra som kjem vil det bli sett stor fart på utviklinga i kommunen vår med tidenes breidbandsutbygging i distrikta våre, fleire store bustadsprosjekt i Florø, oppgradering av hovudgata og stort nytt bustadsfelt i Måløy, prosjekt for ny veg på Raudeberg, utbetring av veg/sykkelsti i Eikefjord, på Brandsøy, oppgradering av Markegata i Florø og mykje meir. Mange av desse prosjekta kjem av gode spleiselag, og støtte frå fylke og stat som er kjempa gjennom av dyktige Kinn-politikarar. Med det vidare arbeidet og trykket ein treng i slike saker, er vi glade for at det ser ut til å bli mange representantar fra Kinn i fylket til hausten.

Samtidig ser vi at det blir jobba svært godt for å finne alternative løysingar for realisering av idrettsløftet med ny fotballhall i Florø og Nordfjordbadet som kan gi minst mogleg belastning på kommunebudsjettet. To gode prosjekt som kan auke attraktivitet og tilbodet for mange av innbyggjarane våre. Dette er veldig bra! Kinn er årets integrerings- og busettingskommune i år, kanskje er vi årets idrettskommune om nokre år.

Det er krevjande tider og ein får ikkje til alt, men vi har tru på at det er mogleg å komme fram til eit budsjett denne hausten med brei støtte i kommunestyret. Kanskje klarer ein til og med å få eit einstemmig budsjettvedtak?

Det blir spennande å sjå! Byane våre har ei god utvikling der det skjer mykje framover. Vi er også glade i grendene/distrikta og er spente på kva utviklingsløp som blir lagt der i åra framover. Vi veit no at det skal byggast ut rekordmykje breiband i Kinn kommune. Eit forslag kan vere å også legge inn ein pott for bygdeutviklingsmidlar i budsjettet til ulike trivselstiltak rundt om i kommunen i samarbeid med grendelaga.

Vi oppfordrar alle våre gode og engasjerte folkevalde på tvers av partilinjer til å snakke godt saman inn mot budsjettmøtet i kommunestyret den 15. desember for ei best mulig utvikling av kystkommunen vår framover.

Takk for innsatsen, engasjementet og jobben de gjer!