Sp held lovnadane om tilbod om symjeopplæring
Stad Senterparti er det einaste partiet som held lovnadane om framdrift i bassengsaka i Selje. Dette viste seg under handsaming av budsjettsaka i formannskapet i Stad kommune 1. desember. I Stad Senterparti sitt budsjettframlegg har vi satt av midlar i investeringsbudsjettet for 2024 og 2025.
Det betyr at med dei midlane som allereie er løyvde til basseng i Selje vil det med Senterpartiet sitt budsjettalternativ vere mogleg å halde kontinuerleg framdrift.
Alle politiske parti og representantar har uttalt og stemt for at dei vil ha basseng i Selje. Seinast i september i haust vart det gjort vedtak om dette. Og sjølv om kommunestyret var delt på midten på om ein skulle fyrst skulle lyse ut basseng på Seljesanden, var det to punkt som heile kommunestyret stemte for. Det fyrste var at «Midlar satt av i investeringsbudsjettet til symjehall i Selje står fast til dette formålet». Det andre var at kommunedirektøren skal «sende ut anbod på rehabilitering av eksisterande symjebasseng på Selje skule, med tilhøyrande handikapp toalett/garderobar i hovudplan. Kommunedirektøren legg resultatet av anbodskonkurransenfram til politisk handsaming».
Vi er glad for at Venstre ilag med AP og Høgre også har med bassenget i Selje i investeringsbudsjettet. Vi vonar at vi kan kike på dette ilag fram mot endeleg vedtak av budsjett 15. desember. Sjølv om intensjonane har vore gode har det vore nok fram og tilbake, og blindvegar i denne saka. Denne saka handlar om symjeopplæring for elevar frå Flatraket i sør til Stadlandet i nord. Vi meiner at det beste er å finne ei løysing med basseng med lokalisering på Selje skule i midten. La oss no fullføre og ikkje ta fleire omvegar!