I dag er det klart for to kyrkjekonsertar

Med den lengste og mest innhaldsrike konserten dei har laga nokon gong, håpar Elvisfestivalen å dra publikum til Sør-Vågsøy kirke.

Sjølv om Elvisfestivalen no utvidar kyrkjekonserten til å innehalde 25 songar framført av ti solistar, blir det kyrkjekonsert etter tradisjonell oppskrift. – Vi gler oss veldig til kyrkjekonserten. Det blir alltid ei veldig spesiell og flott atmosfære i kyrkja, seier Helge Hjelle. Arkivfoto 

Kultur

– Kyrkjekonserten har i alle år vore ein «høydare» og den har vore veldig populær. Og det trur eg vi kan garantere i år også. Vi har laga eit fantastisk program med eit heilt nytt konsept og nye låtar som mange ikkje har høyrt før, forklarar Helge Hjelle i festivalen.

Ti solistar

Kyrkjekonserten, som har fått namnet Elvis In Church: You Gave Me A Mountain, skal gå føre seg torsdag.


Til konserten har festivalen fått med seg ti solistar. Dei internasjonale artistane er Tim Welch, Gordon Hendricks, Eddie Popescu, Paul Kaye, og Zelimir. I tillegg har festivalen fått med seg fleire lokale artistar som Isak Søraa, Hans Christian Helgesen, Randi Melheim, Terje Våge og Håkon Kongshaug.

– Vi har aldri hatt med oss så mange songarar og solistar på kyrkjekonserten. Det blir eit veldig breitt og variert spekter av artistar. For dei som hugsar godt, så var både Gordon Hendricks og Zelimir her i fjor, og dei ville gjerne kome tilbake til kyrkjekonserten, fortel Hjelle.

Trongt på podiet

I tillegg til solistane, har festivalen fått med seg orkesteret Sideshow Bob og deira korgruppe, som har vore på festivalen fleire gonger tidlegare, samt Elviskoret, som består av lokale songarar.


Lokale artistar gir sin hyllest til kongen

Hans Christian Helgesen, Randi Melheim, Jakob Hals og Isak Søraa er nokre av dei lokale artistane som skal vere med på å hylle Elvis 40 år etter at han gjekk bort.

Sideshow Bob og Mel’s skal stå for musikken også i festivalteltet.

– Det blir nok trongt framme på podiet, og med heile 25 låtar blir dette ein mektig og fantastisk flott konsert, slår arrangørane fast.

På programmet står blant anna songane Why me Lord, How great thou art og You gave me a mountain. Sistnemnde avsluttar kyrkjekonserten.

– Dei resterande 22 songane vil vi ikkje seie noko om. Publikum må få nokre overraskingar når dei kjem, smiler Lars Kjølen i festivalen.


Set opp ekstrakonsert

Elvisfestivalen må etter stor pågang sette opp ein konsert til i kyrkja førstkomande torsdag.

Dei to siste åra har festivalen sett opp to konsertar, og tidlegare denne veka la arrangørane ut billettar til kyrkjekonsert nummer to, fordi den første var utselt.

– Vi gler oss veldig til kyrkjekonserten. Det blir alltid ei veldig spesiell og flott atmosfære i kyrkja, seier Hjelle.