Det er fjerde året på rad at motorsykkelklubben i Bremanger lagar til arrangementet mot mobbing. Paraden starta i Svelgen og enda opp i Kalvåg. I følgjet var det 47 motorsyklistar frå Njords Men i tillegg til klubbar i Florø, Høyanger og Førde, samt politieskorte.
– MC mot mobbing spring ut frå ei tragisk hending for nokre år sidan, då ein ung gut med namnet Odin tok livet sitt etter lang tids mobbing. Det som skjedde vidare var at ein tilnærma samla MC-miljø i Norge gjekk saman for å vise engasjement og avsky mot mobbekulturen som eksisterer rundt om i landet. Store paradar vert arrangert i mai kvart år for å vise engasjement, og for å skaffe inntekter til å kjempe mot mobbing, sa president i motorsykkelklubben Kjell Larsen i talen sin i Kalvåg laurdag.
I tillegg heldt lensmann Espen Gulliksen tale, og det var underhaldning frå lokale artistar.
Les meir i papirutgåva av Fjordenes Tidende tysdag.