Steinen er laga som eit minnesmerke over fire kong Olav som har vore viktige for Selja. Først Olav Tryggvason, som starta alt ved å gjere Selja til eit pilegrimsmål. Deretter Olav Haraldsson, eller Olav den Heilage, som kom for å bli konge og kristne landet. Den tredje var Olav Kyrre i 1068 da Norge blei delt inn i tre bispedøme, Nidaros, Oslo og Selja. Og så Olav V som i 1968 feira 900-årsjubileum for Bjørgvin.
– Dette var også Harald og Sonja sitt første offisielle oppdrag. Så det er spesielt for oss at ho kjem tilbake 50 år etter, seier Torkjell Djupedal.
Slik blir dronningbesøket på Selja
Olavssteinen og Sunnivastatuen er begge prosjekt gjennomført av Vennelaget.
– No har vi Sunniva på eine sida av sundet og Olavssteinen på den andre, seier Djupedal.
På Bø laurdag er ordførar Stein Robert Osdal vert, og det blir litt program før riksantikvaren avdukar steinen.
– Det er litt utfordringar med båttransport, så vi oppmodar dei som kan til å ta eigen båt. Og ta gjerne med venner!