Fredag starta den sjuande utgåva av Måløy Havfiskefestival og det var full aktivitet då Fjordenes Tidende tok turen til innvegingsområdet på Torget i Måløy. Då hadde både deltakarane i bedriftskonkurransen kome til land, i tillegg til fiskarane i NorgesCupen i havfiske.
På land stod medlemmar frå Nordfjord Havfiskeklubb og andre frivillige klare til å ta imot fangsten. I festivalteltet serverte kokkar frå Kraftstasjonen smakeprøver av den ferske fangsten.
Laurdag er det duka for ny runde i NorgesCupen, i tillegg til folkekonkurranse, barnefiskekonkurranse og mange aktivitetar på Torget i Måløy.
Les meir i tysdagsutgåva av Fjordenes Tidende.