Namn: Kristine Lyngbø
Alder: 20
Bustad: Bremanger
Sivilstand: singel
Yrke: lærling, helsefagarbeidar
– Kva planar har du for sommaren?
– Har vore i Hønefoss på Fagforbundet ung si sommarkonferanse, og reist rundt med LO si sommarpatrulje i Nordfjord og Sunnfjord. Fekk med meg Rockweekend, Malakoff og Kystfestivalen og no vil eg berre ha det skikkeleg moro med vener.
– Kva har du alltid med i kofferten, og kva er ditt beste pakketips?
– Har alltid med reint undertøy. Beste pakketips er å pakke minst mogleg, sjølv om eg er elendig på å gjere nettopp det sjølv.
– Når slår feriekjensla inn?
– Første dagen med fint vêr. Eg jobbar ein del lange vakter, så har ein del fri i strekk, så det har nok gjort at eg har hatt kjensla av ferie i heile sommar.
– Kor hadde du reist med uavgrensa budsjett?
– Ville tatt med meg venninnene mine Stine og Mari og reist verda rundt i eit halvt år. Ville vore innom Maldivene, Hawaii, Thailand, Afrika og Australia. Og sjølvsagt byar som Paris og Amsterdam.
– Kva kjendis ville du tatt med til ei aude øy?
– Vidar Villa. Då kunne vi synge norske sommarlåtar saman medan sola gjekk ned i havet.
– Kor ville du tatt med deg dine sommargjestar?
– Grotlesanden og Kalvåg. Og tipsa dei om Hornelen og Via Ferrata i Loen.
– Blir du vêrsjuk om regnet høljar ned?
– Ja, eg brukar å bli det, og vil då aller helst booke ein tur til varmare strøk. I år har eg merka lite til det, då vi har vore ganske heldige med vêret.
– Kva fjelltopp er den finaste om sommaren?
– Veten utan tvil. Å sjå utsikta ned til Grotlesanden ein varm sommardag er det ein kallar magi!
– Kva bok anbefaler du?
– Eg les ikkje så veldig mange bøker, men har lyst å lese Drømmen om en baby av Julianna Nygård.
– Kva serverer du helst ein sommardag?
– Reker og vin, til dei som er gamle nok.
– Kva eldsjel fortener ei korg med jordbær?
– Alle dei flinke folka som gjer at vi får oppleve både Rockweekend og Kystfestivalen kvart år.