Held fram med kreative kurs i kunst og handverk

Den kreative veka i Galleri Frøya held fram denne helga med kurs i både kunstteknikkar og handverk.

Gallerieigar: Karin Flatøy Svarstad har denne veka og ut helga «kreativ veke» i Galleri Frøya i Kalvåg. Her skjer det mange spennande ting, og galleriet byr også på ulike ustillingar. Arkivfoto: Kjell Aga Ulvestad 

Kultur

I dag, onsdag 17. juli er det eit kort kurs i kreativ toving med gallerieigar Karin Flatøy Svarstad, eit kort kurs i lappeteknikk med Lillian Nygård frå Florø Husflidslag i tillegg til at Flatøy Svarstad held eit introduksjonskurs i nålefilting.

Torsdag er det to kurs, Lillian Nygård held kort kurs i lappeteknikk og kunstnar Ellen Hegg kjem til Sommerakademiet og har målekurs.

- Dette kurset er over fleire dagar fra torsdag til søndag, opplyser Flatøy Svarstad. 

Fredag 19. juli blir det eit kort kurs i å lage smykker med Rønnaug Nyheim. Nyheim sine smykker er også utstilt i galleriet under den kreative veka.

Søndag 21. juli avsluttast den kreative veka med eit dagskurs i akrylmaling med kunstner Ellen Hegg.

Fleire av kursa passar for alle, også barn over ti år, opplyser Karin Flatøy Svarstad.

I løpet av veka er det også mykje å sjå i sjølve Galleri Frøya. Det er utstilling på Galleri Loftet, og i Takhagen på takterrassen blomstrar det.

– Her er det fint å sitte med ein kopp kaffi og noko å bite i om vêrgudane vil, seier Karin Flatøy Svarstad.

Sjølv stiller ho ut sine kreative arbeid i ull, mens Lillian Nygård har utstilt sine arbeid i lappeteknikk. Rønnaug Nyheim stiller ut smykkene sine mens Ellen Hegg stiller ut fletre av sine bilde. Der er også salsutstilling og Galleri Butikken har mange tilbod.