Stiller med variert program og mykje å ta seg til

Fredag, laurdag og søndag er det klart for Eid si tradisjonelle handelsmesse – Eidamessa.

Også i år stiller May Liza Johansen og Camilla Nesheim frå Pets med dyrekos og utstilling. I fjor viste dei fram reptilar. Foto: Siri Kolseth 

Kultur

Og det er mykje som skjer på desse tre dagane. Det startar fredag med opne butikkar, Sagastad og Pålnaustet. Ein kan få kose med dyr og sjå på slangar på Pets, og gå på tivoli og kino. Og på ettermiddagen underheld Kulturskulen i Eid.

Laurdag er det open brannstasjon, ansiktsmåling, show med Mamma Mø og kråka, tivoli, reptilar på Pets, musikk med Kjølsdalen musikklag og konsert med Renate Nekstad og Peter Zehentbauer.


 

Søndag legg cruiseskipet Amera til kai, det blir utegudsteneste i Teltet i Eidsgata med Olaf Sigurd Gundersen, møte med Brannbjørnen Bjørnis, padling i Sagaparken og dyrekosing på Pets.

Kvar dag er det også kunstutstilling i Gamlebanken med Jertrud Eikås og ei rekke salsboder i Eidsgata.

Det blir også offisiell opning av fjordpromenaden ved Sagastad under messa. Følg promenaden og gå inn bakvegen til Sagastad, skriv arrangørane.