Skriv om folk han har møtt - og no kjem det ei ny bok

Kjell Askeland (76) har ein lidenskap for å møte gamle folk og få dei til å fortelje. Slikt blir det bøker av.

Bur på slektsgarden: Kjell Askeland er busett på slektsgarden på Askeland ved Davik. Det er 20–30 mål innmark og ikkje lett å få til tradisjonelt jordbruk. Men staden ligg idyllisk til med strandline og storslått utsikt over Nordfjorden mot Bryggja og Lefdal.   Foto: Jørn-Arne Tomasgard

Kultur

– I 2007 var eg på tur saman med ein kar frå Selje som reiste rundt i Troms og Finnmark for å forkynne. I Kåfjord trefte eg ein mann i midten av 70-åra som fortalde at han og faren hadde vore lokale fiskarar og at dei under krigen la seg på sida av det tyske slagskipet «Tirpitz» og selde fisk til dei. «Tirpitz» var ei flytande festning som truga konvoiane til Russland. Då skipet vart senka, fekk dei ikkje hòl på det, det berre snudde seg rundt. Eg syns det var ganske spesielt at dei hadde lege der og selt fisk til dei rett før dei vart senka, seier Askeland.