Klarer ikkje gjennomføre fullverdig versjon: – Vi må kaste inn festivalhandkledet

– Det er ikkje mogleg å gjennomføre ein fullverdig versjon av Malakoff 2021. Vi håpte i det lengste, men vi må no kaste inn festivalhandkleet, seier festivalsjef Arnt Ivar Naustdal.

Malakoff Rockfestival: – Det er ikkje mogleg å gjennomføre ein fullverdig versjon av Malakoff 2021. Vi håpte i det lengste, men vi må no kaste inn festivalhandkleet, seier festivalsjef Arnt Ivar Naustdal.   Foto: Andreas Hellenes

Kultur

– Slik situasjonen og gjennopningsplanen for Norge er i sommar, så er det ikkje mulig å gjennomføre ein fullverdig Malakoff 2021 slik vi alle ønsker. Det er utruleg kjipt, men slik er det berre, held han fram.

Alle kjøpte billettar vert automatisk overført til Malakoff 2022, og dei som ønskjer billettrefusjon vil få dette, opplyser Naustdal.

– Vi har alt starta bookinga til tidenes Malakoff-festival, og det er all grunn til å vere med oss til 2022. Ordinært billettsal til Malakoff 2022 startar opp på seinsommaren.

Men – det er eit lyspunkt, ifølge festivalsjefen.

– Vi elskar å lage eksepsjonelle musikkopplevingar, og vi vil om kort tid gi info om kva opplevingar og aktivitetar du kan oppleve på Nordfjordeid 18.-24. juli 2021