– Alle er hjarteleg velkomne. Om du er brudgom, brud, forlovar eller gjest spelar ingen rolle, smiler Therese Bjørlo-Berg, som er butikksjef ved Tilbords på Amfi Nordfjord.

Den første bryllaupsmessa på Nordfjordeid blir opna av Kathrine Sørland.

Til messa kjem også 14 utstillarar, og butikksjefen lovar at dei frammøtte kan hente med seg mykje inspirasjon.

– Frå Vågsøy kjem Mica Event og Kraftstasjonen og vi har fått med oss fotograf Eide frå Eid og reisebyrået på Sandane. I tillegg blir blant anna gullsmeden og frisør representert. Det blir full pakke, og alt du treng til eit bryllaup.

Ifølge Bjørlo-Berg har ein kapasitet til å ta i mot 200 deltakarar på messa.

– Tilbakemeldingane har vore veldig positive, seier ho.