Det var ein kommentar i Firdaposten om temaet som skapte stor debatt i i avisa og på sosiale medium. Det fekk Kinn kommune med seg også, og utfordra Firdaposten til å leie ein debatt om dette.

Den går av stabelen torsdag 1. desember klokka 18.30, og debatten som Firdaposten sender live kan du lese om her, og også følge direkte på fjt.no.

– Eit av fleire tema som skal diskuterast er i kva grad kommunen sine fagfolk med kunstfagleg kunnskap skal få ha eit ord med i laget når pengar blir brukt og når kunst blir bestilt – og korleis prosessane skal vere for å sikre at det som skal stå midt i ein park eller på eit torg for all ettertid, skal ha ein viss kunstfagleg kvalitet, skriv Firdaposten.

Prosjekt som kanskje vil bli diskutert er mellom anna prosjektet om eit mogleg «uglefjell» i Måløy. Prosjektet er ikkje nytt, men har no hamna inn i kunstdiskusjonen om utsmykking av Kinn kommune sjølv om prosjektet aldri var meint som eit kunstprosjekt eller utsmykking frå ugleeigaren si side.

Om du har spørsmål om kunst og kunst i Kinn som du ønsker skal bli adressert, kan du sende inn spørsmål på førehand til arne.johansen@firdaposten.no.