Mange utanlandske turistar vil også denne sommaren komme til den flotte regionen vår, der ein kan oppleve utruleg mykje. Og fleire stadar, mellom anna i Måløy, vil ei ny cruisehamn by på nye moglegheiter for turistane.
Men nordmenn er også turistar i eige land. Dei skal besøke krokar og krikar dei kanskje ikkje har besøkt før, eller oppsøke stadar og opplevingar dei har eit nært forhold til. Det er heller ingenting i vegen for å prøve seg som turist i eigen region. Kanskje er det mange flotte stadar i nærområdet som du ikkje visste om?
Ute med magasin
Magasinet Havsalt sommar er breiddfullt av opplevingar og attraksjonar i Nordfjord og på kysten – mellom Kinn i sør til Vanylven i nord.
Magasinet ligg som vedlegg til avisa fredag 27. mai til deg som er abonnent eller kjøper avisa på butikken. I tillegg skal turistinformasjonar, serveringsstadar, reiselivsbedrifter, kjøpesenter og butikkar dele det ut til besøkande i sommar. Båtturistar og bubilgjester skal også få det.
Det blir også laga ein digital versjon som er lett tilgjengeleg. Den er det berre å dele med folk du kjenner som bur andre stadar i landet.
Her kan du lese den digitale utgåva av Havsalt sommar
I magasinet får du informasjon om stadar å besøke og ting å gjere i vakre omgjevnadar. I tillegg profilerer lokalt næringsliv, lokale bedrifter, reiselivsbedrifter og kommunane seg i magasinet.
Ein «normal» sommar
– I år blir jo sommaren normal utan restriksjonar, og det er lagt opp til fleire store cruiseanløp i Måløy. Saman med alt det andre som skjer, så det vil komme mange turistar til området vårt. Derfor har vi i år har også laga fire sider i magasinet på engelsk der vi viser fram 20 attraksjonar som er kjekke for tilreisande, seier marknadsrådgjevar Kim Andre Gangeskar.
– Vi trur det er kjekt for turistane, men også fastbuande, å ha eit sånt magasin som gir oversikt over ting å sjå og gjere i området, supplerer marknadsrådgjevar Monica Refvik.
Ho fortel om nok ei nyvinning i årets magasin.
– No er det jo endeleg lov med festivalar igjen etter to år med pandemi, så vi har også laga ei festivaloversikt, og ønsker både publikum og arrangørar ein god festivalsommar!