Men då maskene fall, var sjokket mindre enn venta. For bak maskene var tidlegare redaktør i Fjordenes Tidende, Erling Wåge, og redaktør for Nynorsk pressekontor, Jan Inge Fardal, som berre skulle sette tonen for den store lokalavisfesten laurdag.

Radarparet var nemleg leigd inn som konferansierar under festmiddagen og prisutdelinga til Landslaget for lokalaviser (LLA) i Ålesund laurdag, og hadde bestemt seg for å starte festen med fullt trøkk og ei stor overrasking.

Maskene var proft og lokalt laga, medan hanskane var kjøpt på Europris og var av typen gule oppvaskhanskar.

– Det var veldig kjekt å starte festen på den måten. Det var eit ærefullt oppdrag og stor stas å få leie ein så stor mediefest etter to år med pandemi. Og opningsnummeret blir eit godt minne, seier Erling Wåge til Fjordenes Tidende.

foto
Erling Wåge og Jan Inge Fardal var i godt humør heile laurdagen under LLA sin konferanse, idéfest og prisutdeling. Foto: Erling Wåge

Så Wåge og Fardal var berre ulvar for ein kveld, og hemmelegheita om kven som utgjer popgruppa som skal representere Norge i Eurovision i Italia er framleis trygt bevart.