I fleire av høyringsuttalane blir det understreka at det er viktig med godt samarbeid mellom helseføretaket og kommunane. Andre er opptekne av å oppretthalde talet på ambulansestasjonar og –bilar, og at det må vere fokus på å responstid ved akutthjelparordningar. Helseføretaket får ros for å ha gjennomført ein open og involverande prosess.
Eldre protesterer mot ambulansekutt
I saka som kjem opp for styret fredag går det fram at dei innkomne fråsegnene gjev viktige bidrag til det vidare arbeidet med planen.
– Gjennomgåande peikar fråsegnene på dei same områda som blir lagt vekt på i prosjektrapporten. Nokre av innspela vil verte sentrale i arbeidet med neste fase, heiter det i styresaka.
Krev at Helse Førde ikkje gjer kutt i beredskapen
Dei som har sendt fråsegner er Fylkesmannen i Sogn og Fjordane, brukarutvalet, Sogn regionråd, kommunalsjefnettverket i Nordfjord, kommunane Aurland, Hyllestad, Årdal og Balestrand og ein privatperson.
Kommunane som er representert i kommunalsjefnettverket i Nordfjord er Vågsøy, Selje, Eid, Gloppen, Stryn, Horningdal og Bremanger.
Fjerner én ambulanse fra neste uke
Plan for prehospitale tenester som kjem fram for styret fredag inneheld store mengder bakgrunnsinformasjon om dei prehospitale tenestene i fylket. Desse omfattar bil- , båt- og luftambulanse, redningshelikopteret og AMK ved Førde sentralsjukehus. I neste fase skal det arbeidast med modellar for framtidas ambulanseteneste.