- Sommaren er avgjerande

Sommarsesongen er viktig for alle kafear, men for Havly Kafé og pensjonat i vesle Iglandsvik i Bremanger er den avgjerande for at bygda framleis skal ha eit tilbod og ein møtestad.

God start: Magne Elde (t.v.) har trua på at det kan bli ein god sommarsesong for Havly i år. – Då vi opna i månadsskiftet hadde vi den beste opninga nokon gong, fortel han. Her saman med Oliver Igland, som er ein av dei som jobbar på Havly i sommar. begge foto: julianne flølo 

Nyheter

Kafeen i Iglandsvik satsar derfor hardt på ein vellukka sommar og serverer á la carte heile juli og august.

– Årets sommar ser lovande ut. Då vi opna i månadsskiftet hadde vi den beste opninga nokon gong. Vi sparka i gong sesongen med konsert med Silo, og det var populært. Planen er å ha ope i juli og august, frå ettermiddagen av og utover, forklarar Magne Elde, dagleg leiar på Havly i Bremanger.