Ein personbil hadde køyrd delvis utfor ein mur og føraren stakk av frå staden, opplyser Vest Politidistrikt.
Politiet rykte ut til staden og fann bilen. Og etter kort tid så fann dei føraren i eit bustadhus ikkje så langt unna.
Føraren verka til å vere rusa, opplyser politiet.
Han vart teken hand om av politiet og måtte bli med til legevakta på Nordfjordeid der det vart teke blodprøve av han.
Politiet opplyser at det blir oppretta sak mot bilføraren.
Det er ikkje meldt om fysiske skader på nokon.