Snø skapar problem - endå ein brøytebil har hamna utfor vegen – fylkesvegen er stengd

Det er veldig glatt i morgontimane etter snøfall i natt. I Bremanger er Fv 616 stengd ved Endal på grunn av ein brøytebil som har hamna utfor vegen.

Denne brøytebilen hamna i grøfta på veg ned mot Kråkenes på Vågsøy. I morgontimane køyrde endå ein brøytebil av vegen ved Endal i Bremanger.  Foto: FjT-tipsar

Nyheter

Statens vegvesen opplyser at Fv 616 i Bremanger er stengd ved Endal medan dei ventar på at bilbergar skal få fjerna brøytebilen som står fast med eine hjulet utfor vegen, opplyser Statens vegvesen.

Dei melde det litt over klokka 05.00 måndag morgon.

Her kan du sjå Fjordenes Tidende sine WEB-kamera.

Dei antyda at det vil ta eit par timar å få fjerna brøytebilen og opna vegen igjen.

Dei rår bilistar å køyre via Fv 614 Ålfoten. Uhellet med brøytebilen går også ut over brøyting i området, opplyser Statens vegvesen.

Som Fjordenes Tidende har opplyst så køyrde ein brøytebil i Vågsøy utfor vegen to gonger, først søndag kveld og så natt til måndag.


Såpeglatt – her har brøytebilen hamna i grøfta for andre gong

Natt til måndag skjedde det igjen. Brøytebilen som hamna i grøfta søndag kveld hamna i grøfta for andre gong. Det er såpeglatt på vegane, fortel ein tipsar.


Entreprenøren til Statens vegvesen i Nordfjord melder om kraftig snøvër og at de har problem med å halde standarden på vegane, både riksveg og fylkesveg. Dei har alt av mannskap ute.