Bekymra for importsmitte - vil hjelpe kommunane med å få kontroll

Regjeringa opprettar eit nasjonalt telefonsenter for å hjelpe kommunane med å følgje opp alle reisande inn til landet.

Mange reagerer på at reisande lèt vere å teste seg etter framkomst til Noreg. Målet er no at det skal bli obligatorisk med koronatest på grenseovergangen.  Foto: Erling Wåge

Nyheter

Det kan vere krevjande for kommunane å følgje opp innreiseregistreringa – at dei får kontrollert om dei reisande har testa seg og går i karantene.

– For å hjelpe kommunane vil regjeringa etablere eit eige nasjonalt telefonsenter som får i oppdrag å følgje opp alle reisande, sa justis- og beredskapsminister Monica Mæland (H) på pressekonferansen til regjeringa om koronasituasjonen i Norge onsdag.

– Senteret skal meistre fleire språk og skal lette arbeidet til kommunane med å redusere importsmitte og hindre spreiing av mutert virus, sa ho.

Det er Helsedirektoratet som har fått oppdraget med å etablere senteret.