Kolliderte front mot front – fire unge menn til sjukehus

Politiet opplyste om ulykka klokka 03.29. Då hadde politiet kome til staden.

To køyretøy hadde kollidert front mot front, og fire personar var involvert. Tre sat i ein av bilane, og den andre bilen som var involvert hadde berre førar.

– Personane er ute av bilane, opplyste operasjonsleiar ved Vest politidistrikt i første melding om ulykka.

Seinare blei dei fire personane alle frakta med ambulanse til Førde sentralsjukehus. Utover at dei var bevisste var skadeomfang ukjent.

– Bilane hadde begge store skader, fortel operasjonsleiar.

Bilane var 05.29 fjerna frå riksvegen, og vegen blei opna igjen.

Til Firda.no fortel operasjonsleiar i Vest politidistrikt Tatjana Knappen at det var fire unge menn som var i dei to bilane som var involvert i møteulykka.