Arrangørar av møtet er Måløy Vekst, Stad Vekst og Vanylven Utvikling. Selskapa har fått med seg fleire organisasjonar for å snakke om det lokale storprosjektet.
Kystdirektør Einar Vik Arset og prosjektleiar Terje Skjeppestad i Kystverket skal halde innlegget «Nå kommer Stad skipstunnel».
Audun Maråk som er administrerande direktør i Fiskebåt skal snakke om at skipstunnelen er viktig for fiskerinæringa.
Administrerande direktør i Sjømat Norge, Geir-Ove Ystmark, skal halde innlegget «Stad skipstunnel og vekst i sjømatnæringen».
Mange ville høre mer om planene: – Jeg er ikke i mot tunnelen, men jeg gruer meg litt til byggeperioden
«Økt godsoverføring og næringsutvikling langs kysten» er tittelen på innlegget frå administrerande direktør Tor-Arne Borge i Kystrederiene.
Vidare skal administrerande direktør Frode Sund i NHO Sjøfart snakke om grøn passasjertransport til sjøs.
Kenneth Sandmo, som er avdelingsleiar i Næringspolitisk avdeling i LO, skal halde innlegget «Stad skipstunnel – næringspolitikk i praksis».
Seniorrådgjevar Sigurd Enge i Bellona skal snakke om fordelar med skipstunnelen knytt til klima, miljø og sikkerheit.
Avslutningsvis blir det paneldiskusjon som blir leia av møteleiar Randi Paulsen Humborstad i Måløy Vekst.
Møtet blir halde på Hotel Bristol i Oslo.