På fylkesveg 614 mellom Isane og Svelgen blei trafikken i morgontimane fredag hindra av eit vogntog som sperra vegen.
– På fv. 614 mellom Isane og Svelgen ved Dalsetevatnet sperrar eit vogntog vegen, opplyste Vegtrafikksentralen Vest kl. 05.47 fredag morgon.
Då hadde vogntoget stått fast på staden sidan kvelden før.
Klokka 12.30 fredag var vogntoget berga, og vegen open for trafikk igjen, fortel Vegtrafikksentralen til Fjordenes Tidende.
Uvêr og glatte vegar førte til mange uhell på vegane i fylket natt til fredag, og Vegtrafikksentralen hadde nok å gjere med å melde om ulykker og vogntog som stod fast mange andre stadar også.