Det er Vegtrafikksentralen Vest som varslar om dette kl. 07.13 torsdag morgon, og det er truleg det glatte føret som har forårsaka problema.

Vogntoget står cirka 100 meter frå tunnelopninga på Nordfjordeid-sida av tunnelen.

– Det kan skape problem for resterande trafikk, opplyser vegtrafikksentralen.

08.12 var vogntoget laust, og kom seg vidare.

Vegtrafikksentralen ber alle om å køyre etter forholda torsdag morgon.

– Store delar av Vestlandet opplever snø i morgontimane. Brøytemannskap er ute, men det kan vere glatt på vegane. Vi ber alle bilistar om å køyre forsiktig og avpasse farta etter forholda.