Dei strikkar for at andre skal halde varmen: – Bli med på «lappedugnad»

Brekke har hatt ansvar for Ull og omtanke i området i tre år, men det har eksistert i fleire år før dette.

– Vi er mange som stikkar, og det som er bra er at ein enten kan strikke berre ein lapp, levere den inn og så blir den ein del av eit teppe. Eller ein kan strikke meir, forklarer Brekke og legg til:

– Det er folk i området her som strikkar, men det er også ei dame i Loen som strikkar og strikkar. Og så har eg eit søskenbarn i Halden som sender til meg også, smiler ho.

Strikkar gratis ulltepper på dugnad

Tanken bak Ull og omtanke er å strikke ulltepper på dugnad til personar som har fått kreft. Då stikkar ein etter eit fast mønster og kvart teppe består av 150 lappar.

– Kvar lapp hjelper. Du kan stikke ein lapp og du er med i dugnaden. Og dersom ein ikkje strikkar, kan ein levere inn garn dersom ein har det. Då blir dette delt ut til blant anna dei som vil og kan strikke, men som ikkje nødvendigvis har råd til garn. Og så treng vi monteringshjelp. Eg og mamma monterer. Eller det er helst mamma som gjer det fordi ho er mykje raskare enn meg, seier Brekke og smilar bort til mora.

– Det er sant. Der er akkurat slik det er, ler Elsa.

Frys ofte

Ein kan levere lappar eller garn på treningsenteret, på Frelsesarmeen eller til Brekke sjølv. Dersom ein veit om nokon som kunne trenge eit slikt teppe, kan ein kontakte Brekke, og då delar enten ho ut sjølv eller dei som melda kan også stå for overleveringa.

– Det er veldig kjekt å få takkemeldingar frå personar som har fått teppe, seier Brekke og legg til at mange seier teppene er varme og gode å ha.

– Vi bruker berre 100 prosent ull. Ofte frys ein når ein er under behandling og eg veit mange som har med seg teppa til sjukehuset.

Laurdag viste Brekke fram teppa under Rosa sløyfe-aksjonen på torget i Måløy. Det var mange i sving med både motbakkeløp, sentrumsløp og aktivitetsbingo for barn. På torget var også Kiwi med forfriskningar og hoppeslott, i tillegg til rosa bakverk frå Bakeriet.