Ikkje bli uroa om du ser mykje blålys og høyrer sirener i morgon – politiet skal øve på væpna aksjon

Politiet gjennomfører denne veka ei øving i Nordfjord, og det vil derfor vere ein del synleg politi i området.

– Det er greitt at publikum er orientert om det berre er snakk om ei øving, seier overbetjent Roger Gundersen til Fjordenes Tidende.

Roger Gundersen er operativ planleggar i politiet i Sogn og Fjordane, og opplyser at dei i løpet av treninga skal øve seg på å aksjonere mot eit hus der nokon har barrikadert seg.

– Tysdag føremiddag blir det mellom 15 og 20 uniformerte og væpna politi ved riksveg 15 i Deknepollen, opplyser Gundersen, som gjentek at dette er ein del av den årlege treninga til politiet.