Eit samrøystes kommunestyre i Eid har vedteke at dei vil melde seg ut av Nordfjord Havn IKS. Styreleiaren og hamnedirektøren i selskapet trur ikkje dette vil påverke den framtidige drifta.
– Eg merkar meg at vi får ganske krass kritikk frå Eid på vår handtering av saka. Det er alltid ting ein kan sjå i ettertid som kunne vore gjort på ein annan måte, med tanke på kommunikasjon og prosessar. Vi vil ta med oss konstruktive tilbakemeldingar vidare, slik at vi kan få betre prosessar seinare, seier styreleiar i Nordfjord Havn, Elisabeth Elliott (t.h.). Styreleiaren og hamnedirektør Kjell Fagna (t.v.) trur ikkje utmeldingsvedtaket frå Eid kommune vil ha noko å bety i den daglege drifta av selskapet. Arkivfoto: Christina Cantero