Det har allereie vore ein ruskete tysdag med mykje regn og verre skal det bli, ifølge yr.no.

Men det er vinden som i hovudsak skal ta seg opp. Onsdag morgon er det venta stiv kuling med vindkast mellom 25 og 30 m/s. Vinden tar seg opp utover dagen, og frå føremiddag av er det venta sterk kuling med vindkast frå mellom 30 og 32 m/s. Vinden kjem frå sør og sørvest.

Dette er venta å vare heile onsdag ettermiddag og kveld.

Dette har ført til at Meteorologisk institutt har sendt ut varsel på gult nivå om kraftige vindkast.

Skal du over Måløybrua kan du følge med på eventuelle stengingar på appen Vindvarsler. Den finn du der du lastar ned andre appar.

Du kan også følge med på Fjordenes Tidende sine webkamera. Her viser vi mellom anna direkte frå Måløybrua, Måløy, Kråkenes fyr og Vestkapp.