I år blir det tradisjonelle juletreffet flytta til Turnhallen i Måløy. Komiteen ønskjer med dette å skape eit meir intimt og sentrumsnært treff.
Komiteen med prosjektleiar Karoline Myhre Føleide (f.v.), Mats Brunsvik, Simen Strømsøyen, Gro Caroline Flølo, Annelin Fure og Sissel Wik frå Sparebanken Sogn og Fjordane, håpar folk ikkje sit på gjerdet, men melder seg på juletreffet i god tid. – Vi skal få plass til alle, men Turnhallen er mindre enn der vi har arrangert tidlegare, så det er førstemann til mølla. Juletreffet går føre seg 28. desember, og på programmet står blant anna presentasjon av sentrumstomta i Måløy og underhaldning ved Line Dybedal. Julianne Flølo er også med i komiteen, men var ikkje til stade då biletet vart teke. Foto: Marianne S. Rotihaug